সংজ্ঞাহীনতা !

           

        সংজ্ঞাহীনতা !    

                                ~ ভৱতীৰ্থ গোস্বামী

                                            ২৩ মাৰ্চ ২০২১ 

সংজ্ঞাৰ সন্ধানত যেন হেৰাই যাওঁ অবৰ্তমানত

ক্লান্ত হৈ উভতি আহিবও নোৱাৰো,

সত্ত্বাৰ বিকাশৰ মাজত নিজক পাওঁ অবিকশিত

নিৰৱতাত হৈ পৰোঁ অশ্ৰুসিক্ত | 

নিজানত নিজকে বিচাৰো, জানোচা পাওঁ কেচাঁসোণত,

ধূলি হৈ উৰিব খোজো, পাখি লগা কাঁড়ৰ সোঁতত

ধূসৰ গধূলিৰ আভালৈ চাই ভাবো, কি বিচাৰে ৰঙা বেলিয়ে

আকাশে, ডাৱৰে ?

মানিব খোজে জানো আবেগৰ গভীৰ টান?

শীতলতাৰ মাজত পাব পাৰি জানো নিজকে

ভগা আইনাৰ টুকুৰাত?

উত্তৰৰ সন্ধানত মই আছোঁ, হয়তো জীৱনেও ...

থমকি ৰোৱা নাই সন্ধানত, নৰওঁ.....

******************************